18 ka Balay sa Leon, Apektado sang Landslide!

Leon, Iloilo–18 ka mga balay ang apektado sang landslide sa Barangay Mali-ao kahapon bangud sa wala untat nga pag-ulan.

Ginsaylo ang mga pamilya nga apektado sa plaza sang barangay kag ginhatagan sang relief assistance. Wala naman sang nasamaran ukon natabunan sa landslide.

Apang nagpanawagan si Leon Mayor Rolito Cajilig sa mga pumuluyo nga naga-istar sa nabukid nga parte nga mag-aligmat kag magreport sa ila punong barangay kon may landslide nga matabu. (AGB)