Biyahe sang Pumpboats kag Fast Crafts, Regular Suno sa Coast Guard

Iloilo City–Regular ang biyahe sang mga pumpboats halin sa Guimaras pa-Iloilo City kag vice versa bisan pa nga naga-ulan.

Suno kay Coast Guard-Iloilo Station Commander Ramil Palabrica, indi man apektado ang Region 6 sang Bagyo Carina. Pero ginapa-untat nila ang biyahe kon may pugada ukon zero visibility agud makalikaw sa disgrasya.

Padayon man suno kay Palabrica ang biyahe sang mga fastcrafts halin Iloilo City pa-Bacolod City kag vice versa. (AGB)