373 ka Empleyado sang Calinog LGU, Ginpa-idalum sa Mandatory Drug Test

Calinog, Iloilo–Determinado ang mga Calinognon nga tinluan ang ila banwa sa illegal drugs.

Ini ang rason suno kay Jessie Medez, Municipal Administrator, nga ginpa-idalum sa mandatory drug test ang 373 ka empleyado sang banwa. Ginmandu suno sa iya ni Mayor Alex Centena ang drug test agud ipakita nga indi siya protektor sang illegal nga druga.

Si Mayor Centena ang isa sa mga mayors nga ginhingadlan ni Presidente Rodrigo Duterte nga ginpahayag involved sa illegal drugs pero ginpanginwala ini sang alkalde. Una na gin-ako ni Centena nga naka-istoryahanay sila ni PDEA-6 identified drug group leader Melvin Odicta pero indi illegal drugs ang ila na-istoryahan. (AGB)