2 Patay sa Pagpangbuno kag Pagpaglabu sa Miag-ao!

Miag-ao, Iloilo–Duha ang patay sang ginpangbuno kag ginlabu sang lalaki nga ginapatihan may nervous breakdown kaina.

Suno kay PCI Cyril Octavio, hepe sang Miag-ao Police Station, natabu ang insidente sa Sitio Tigpaka, Barangay Tig-apog-apog, Miag-ao.

Sa pagpangusisa sang mga pulis, una nga nagsulod ang suspek nga si Jerson Monsale, 50-anyos, sa balay sang iya tiyo nga si Rogelio Nofueto, 68, kag nagpangayo sang pamahaw samtang nagasukbit sang kutsilyo kag binangon. Apang gulpi lang sini nga ginbuno kag ginlabu ang tiyo samtang nagatalikod. Nabun-an man sa dughan ang iloy nga si Elena Monsale, 85-anyos, nga nagtambag lang sa insidente.

Ginpahayag nga duha tubtub tatlo ka adlaw nga wala nakakaon ang suspek kag ini ang ginatudlo rason kun nga-a gin-abot siya sang nerbyos.

Nadakpan si Monsale kag preso na sa karsel sang Miag-ao Police Station. Ginpanghiwala naman sang suspek nga nagagamit ini sang illegal nga druga. (AGB)