Travel History sang Ilongga nga Na-Infect sang Zika, Gina-establisar sang DOH 6

Iloilo City–Gina-establisar pa sang Department of Health 6 kun may travel history ang mga tawo nga malapit sa 45-anyos nga Ilongga nga na-infect sang Zika virus.

Suno kay Dr. Jessie Glen Alonsabe, regional epidemiologist sang DOH 6, wala sila sang pruweba nga makapamatuod nga nagbiyahe sa mga pungsod nga infected sang Zika ang babaye kag kun naka-contact ini sang virus sa mga tawo nga nakabiyahe sa luwas sang pungsod. Ang nakumpirmar lang suno sa iya sang DOH amo nga nag-positibo sa Zika ang blood kag urine test sa pasyente sang gin-confine ini sa ospital matapos nakitaan sang skin rashes kag nakabatyag sang joint pains.

Gin-athag ni Alonsabe nga very mild lang ang zika virus sang babaye bangud overnight lang ini sa ospital kag madasig man nga naka-recover.

Gindula naman ni Alonsabe ang kahangawa sang publiko sa paglapta sang Zika virus sa pungsod. Suno sa iya, mas delikado pa ang dengue kun ikumparar sa Zika bangud nagakapatay ang pasyente.

Ginakabalak-an lang ang Zsa mga nagabusong nga babaye bangud nagaresulta ini sang complications kag posible magresulta sang microcephaly sa mga lapsag. (AGB)