Report nga may Drug Laboratory sa Western Visayas, Ginapa-imbestigaran ni PRO-6 Director PCSUPT Jose Gentiles

Ginapa-validate ni Police Regional Office 6 Director PCSUPT Jose Gentiles sa mga provincial kag city directors ang impormasyon nga may drug laboratory sa Western Visayas.

Suno kay PRO-6 Spokesman PSUPT Gilbert Gorero, ginpamangkot na sadtu ni Gentiles kun may presensya sang drug laboratory sa rehiyon bangud wala naga-untat ang supply sang illegal drugs bisan adlaw-adlaw ang pagpanakop sa mga durugista.         May impormasyon suno sa iya nga may drug laboratory sa Capiz, Guimaras ukon sa probinsya sang Iloilo.

Bangud sini, ginmanduan ni Gentiles ang mga provincial kag city directors nga hibaluon kun may naga-egsister nga drug laboratory.

Sa madumduman ni Gorero, naghimo man sang verification ang mga nagligad nga regional directors sa mga lugar nga ginasuspetsuhan may drug laboratory apang nag-negatibo. (AGB)