Pagtiro-Patay sa Duha ka Lalaki sa Leganes kag Jaro, Posible Konektado sa Illegal Drugs suno sa Police

Iloilo–Ginatudlo nga may kahilabtanan sa illegal nga druga ang pagtiro patay sa duha ka lalaki sa magkatuhay nga lugar kagab-i.

Gintiro ang si Jaylord Paclibar sang Lanit, Jaro samtang nagapungko sa iya tricycle sa Napnod, Leganes. May duha ka pilas sa ulo si Paclibar nga gintiro sang suspek nga nakasakay sa motorsiklo.

Pagkaligad sang 15 ka minutos, gintiro naman si Michael Guardapies nga taga-Lanit, Jaro man. Ginpahayag nga nakasakay sa van ang suspek nga nagtiro kay Guardapies sa Tagbak, Jaro.  Napatay si Guardapies sa ospital kaina sang kaagahon.

Suno sa impormasyon, kilalaha ni Guardapies si Paclibar. (AGB)