July 3, 2022

Security Guard, Ginreklamo nga Nanghurikap sa Sulod sang Depasahero nga Van nga may Biyahe pa-Dumangas

Read Time:39 Second

Iloilo–Ginreklamo ang 38-anyos nga security guard nga nanghurikap sa sulod sang depasahero nga van nga may biyahe pa-Dumangas kahapon.

Ginpahayag nga magkasakay sa van ang guwardiya nga si alyas Toto kag ang 20-anyos nga timbang kaupod ang ama sini kag duha ka kabataan padulong sa Dumangas. Sa reklamo sang ama sang biktima, hubog ang guwardiya sang ginpahayag gin-molestiyahan sini ang iya timbang. Naghilibion ang timbang sang gulpi ini nga ginhurikap sa dughan samtang ginahalukan pa sa likod sang suspek.

Patay ang suga sa sulod sang salakyan sang natabu ang insidente.

Ginsaway pa sang ama ang suspek apang sa baylo nga mahuya, siya pa ang na-akig.

Ginpa-diretso sang ama sa Dumangas Police Station ang van kag ginpa-aresto ang hubog nga security guard. (AGB)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post 60-anyos nga Lalaki, Ginpugutan kag Gin-utdan sang Kamot sang iya Bata
Next post Kolektor sang Lending Company, Ginhold-up sa Oton!