New Lucena Mayor Christian Sorongon, Nagpasaka sang Kaso Batuk kay Former Mayor kag Subong Board Member Liecel Seville

New Lucena, Iloilo–May rason si Mayor Christian Sorongon kon nga-a ginpasakaan sang kaso administratibo kag kriminal si anay Mayor kag subong Second District Board Member Liecel Seville.

Gin-file ni Sorongon ang kaso sa Ombudsman bangud sa ginpahayag wala na-itemize nga pagamit sang 1.7 million pesos nga 20% Dvelopment Fund sang 2014. Lakip man diri suno kay Mayor Sorongon ang unliquidated cash advances ni Seville nga P151,000 sang Disyembre, 2014 kag tatlo ka milyon ka pesos nga notice of disallowances sang 2015.

Gin-athag ni Sorongon nga wala sang lamod pulitika ang iya pagpasaka sang kaso kundi nagbase lang sa report sang Commission on Audit. Mas maayo suno sa alkalde nga ma-athagan man ang mga taga-New Lucena sa isyu.

Lakip sa mga kaso nga ginpasaka ni Mayor Sorongon ang serious neglect of duty, grave misconduct, dishonesty kag conduct unbecoming of a public officer. Sa kaso kriminal naman, ginfile sini ang malversation, illegal use of public funds kag technical malversation ukon juggling of funds. (AGB)