20-anyos nga Babaye, Nadakpan sa Buybust Operation sa Mandurriao

Iloilo City–Nanginwala ang 20-anyos nga babaye nga nabaklan siya sang illegal drugs sa buybust operation sang Mandurriao police sa Barangay Taft North kagab-i.

Suno kay Zen Becite sang Barangay Lagubang, Barotac Nuevo, ginsugo lang siya sang gintawag sini nga tito Tito Manong nga magkuha sang supply sang illegal drugs sa syudad. Pero nakibot siya nga lain nga tawo ang nagpakigkita sa iya sa Jaro kag gindakup na siya sang mga pulis. Ginpahayg pa ni Becite nga nag-intra ini sa illegal drug trade agud makabulig sa iya iloy.

Pero ginpabutyag ni PSI Rodolfo Pagharion, hepe sang Mandurriao Police Station, nga nadakpan nila sa Barangay Taft North, Mandurriao si Becite. Ginkompormihan ini sang barangay tanod nga nagpabutyag nga madugay na sini nakita si Becite nga nagasulod sa ila lugar.

Nakuhaan si Becite sang tatlo ka sachets sang suspected shabu kag na-recover man ang 500 pesos nga marked money. (AGB)