Mayor Jed Patrick Mabilog, Nagdeklarar sang Isa ka Semana nga Pagkalisod sa Pagtaliwan ni anay Sen. Miriam Defensor-Santiago

Iloilo City — Gindeklarar nga Day of Mourning sang syudad ang subong nga adlaw tubtub sa Oktubre 7 bangud sa pagtaliwan ni anay Senador Miriam Defensor-Santiago.

Naka-half mast man ang hayahay sa syudad base sa Executive Order nga ginpirmahan ni Mayor Jed Patrick Mabilog.

Suno kay Mabilog, si Santiago ang nabun-ag sa Iloilo nga nagpangalagad bilang judge, anay Bureau of Immigration commissioner kag senador.

Napatay si Santiago sa edad nga 71 bangud sa stage 4 lung cancer.

 

“She made all the Ilonggos  proud of her”

Ginkasubo ni Governor Arthur Defensor ang pagtaliwan sang iya pakaisa ng si anay senador miriam defensor santiago matapos ang pagpakig-away sa lung cancer.

Suno sa gobernador, indi malipatan sang mga Filipino ang wala untat nga away ni Santiago batuk sa graft and corruption kag ang kontribusyon sini sa public service.

Nangin bugal suno sa iya sang mga Ilonggo si Santiago bangud sa iya kaisog nga nga mag-away sa mga tawo nga nagapangawat sa gobierno.

Indi man malipatan ang iya kaalam kag prinsipyo sa pagtugda sa mga butang nga may kaangtanan sa nagakatabu sa gobierno. (JoMaque)