Kakulangan sang Comprehensive Drainage System Plan, Rason sang Masami nga Pagbaha sa Syudad–Councilor Joshua Alim

Iloilo City–Wala sang komprehensibo nga drainage system plan ang syudad gani madasig nga magtaas ang tubig kun magtupa ang ulan.

Ini ang isa sa mga nakita nga rason ni Councilor Joshua Alim sa madugay na nga problema sang syudad nga labi pa nga naglala bangud sang pagkay-o sang mga dalan.   Suno kay Alim, mansig-obra sang drainage ang mga barangay kag wala gina-coordinate sa iban nga projects.

Magluwas sini, gintumod man sang konsehal ang pagkasalawayon sang pila ka mga pumuluyo nga bisan diin lang nagahaboy sang plastic nga basura nga rason sang pagsupon sang mga kanal.

Natalupangdan man ni Aang kawad-an sang coordination sang DPWH sa road constructions kag repairs kag ang pagka-uyaya sang mga contractor sa gina-obra nga proyekto.

Ginrekomendar naman sang konsehal nga mga solusyon ang pagtukod sang water impounding facility pareho sa Taguig City, pag-review sang drainage system sang syudad, husto nga koordinasyon sang DPWH sa pag-implementar sang ila mga proyekto, comprehensive drainage system plan kag pagtukod sang Water Control Council. (AGB)