(UPDATE) Taxi Driver nga Ginholdap kag Ginbuno sa Oton, Na-operahan na

Iloilo City–Na-operahan na ang driver sang GDR taxi nga ginholdap kag ginbuno sang duha ka mga suspetsado sa Oton kagab-i.

Suno kay John Vernal, utod sang biktima nga si Ramonito, aga pa ini gin-schedule nga operahan agud matahi ang iya pilas sa leog. Nakuha kay Vernal ang P2, 000 sini nga koleksyon.

Nagsakay ang duha ka pasahero sa Jaro kag nagpadul-ong kuntani sa Savannah Subdivision sa Oton pero nagdeklarar ang mga ini sang holdap kag ginpadiretso ang taxi tubtob nakalab-ut sa Sitio Bugo, Barangay Sta. Clara, Oton.

Wala pa gihapon nakilal-an ang mga suspetsado. Isa sa ila ang nabun-an kag nakagat man sang driver. (AGB)