Councilor Plaridel Nava, Gindepensahan ang Ginaduso nga Ordinansa nga Imbestigaran ang Riding-in-Tandem sa Syudad

Iloilo City — Gindepensahan ni Councilor Plaridel Nava ang iya ginaproponer nga imbestigaran ang riding-in-tandem sa syudad magluwas lang sa ginbutang sini nga mga exemptions.

Suno kay Nava, nakadepende na sa law enforcement agencies ang pag-implementar kon ma-aprubahan ang proposed ordinance..

Nagapati naman si Nava sa sound judgment sang mga pulis nga mangin alalangay sila sa pag-implementar sang kasuguan.

Nakabutang sa probisyon sang proposed ordinance nga mahimo maparahan sang mga pulis ang riding-in-tandem kon makita nila nga wala nalakip sa exemptions kag ma-imbestigaran.

Lakip sa exemptions kon ang driver ukon naga-angkas sang motorsiklo ang babaye; kon menor-de-edad ang naga-angkas; kon related by consanguinity ukon affinity ang naga-angkas sa driver kag kon law enforcement officers ang naga-angkasanay.

Ginduso ni nava ang proposed ordinance sa katuyuan nga mahagan-hagan kon indi man ma-untat ang mga krimen nga ginadalahigan sang riding-in-tandem. (JoMaque)