Tatlo ka mga Miembro sang Rumpage nga Gintudlo involved sa Insidente sa Linagaan sa Mandurriao, Nakilala na

Iloilo City — Tatlo ka miembro sang grupo nga RUMPAGE nga gintudlo involved sa pagpanggamo sa Tata Linagaan sa Guzman-Jesena, Mandurriao ang nakilala na sang mga pulis.

Suno kay Senior Inspector Adolfo Paghari-on, hepe sang Mandurriao Police Station, ang tag-iya sang linagaan ang nagkilala sa tatlo base sa mga litrato nga ila ginpakita.

Ang tatlo ka na-identify ang ginpahayag mga miembro sang younger chapter sang RUMPAGE.

Ginakabig ni Paghari-on nga delikado ang RUMPAGE bangud gintudlo sila nga involved sa iban pa nga bayolente nga insidente.

Gintumod ni Paghari-on ang insidente sang pagpatay sang 2012.

Ang ginikanan sang biktima amo suno kay Paghari-on ang naghatag sa ila sang mga litrato sang mga suspek gani nga na-identify ang mga ini. (JoMaque)