Talatapan sang DILG kag DENR 6, Ginpuhag sang Bomb threat

Iloilo City — Temporaryo nga ginpaguwa ang mga empleyado sang Department of Interior and Local Government (DILG 6) sa Concepcion, City Proper kasunod sang nabaton nga bomb threat.

Ginpahayag nga may mag-email sa DILG 6 nga may ginbilin nga envelope sa opisina nga may unod nga bomba pasado alas 12:30 sang hapon kag malupok alas 3 sa hapon.

Wala naman sang may nakit-an nga bomba suno kay ICPO Deputy Director Supt. Efren Lozada base sa pagpangusisa sang Explosives and Ordnance Division.

Nakabaton man sang kasubong nga pamahog suno kay Lozada ang DENR 6 nga kaiping lang sang DILG 6.  (JoMaque)