Barangay Tanod sa City Proper, Na-ospital matapos Gintiro

Iloilo City — Pilason ang barangay tanod matapos gintiro sa Brgy. Dela Rama, City Proper kagab-i.

Nagatindog sa guwa sang karinderya si Roberto Lengguste, 39-anyos sang Brgy. Monica-Bluementritt, City Proper sang ginpalapitan sang suspek nga si Jeric Cabana sang Brgy. San Juan, Molo.

Nakibyasan ang ulo kag tuo nga butkon sang biktima nga padayon nga ginabulong sa ospital.

Sa imbestigasyon, pagtimalos ang ginalantaw nga rason sang mga pulis sa pagtiro sa biktima bangud may daan nga hiligut-anun ang duha.

Nadiskubrihan nga ginluthang sadto anay sang biktima ang suspetsado. At large si Cabana. (NemesioMartirez)