Mayor Jed Patrick Mabilog, nagpasalig nga wala na sang privatization sa mga merkado sang syudad

Iloilo City–Wala na sang may matabu nga privatization sang mga merkado sa syudad sa nabilin nga termino ni Mayor Jed Patrick Mabilog.

Ginpahibalo ini ni Mabilog sa iya nga pagpakig-istorya sa mga personnel sang Aksyon Radyo Iloilo kahapon. Suno sa alkalde, plano niya na lang nga i-improve ang amenities sang mga merkado ilabe na sa Iloilo Central Market. Magapa-in sang pondo suno sa alkalde sa masunod nga tuig para sa pagkaayo sang mga merkado.

‘Paskua’

Nagalaum naman ang mga vendors sang Central Market nga maka-istorya si Mayor Mabilog.

Suno kay Rex Donasco, presidente sang Association of Stall Owners and Transient Vendors of Iloilo Public Market Incorporated ukon ASTRAVEN-ICPMI, luyag man nila nga maplastar ni Mabilog ang mga plano para sa pagkaayo sang mga merkado.

Kun sinsiro suno sa iya si Mabilog sa iya pahayag, kabigon ini nga paskua sang mga vendors suno kay Donasco. (AGB)