Pototan police, ginreklamo nga wala nag-aksyon sa complaint sang menor-de-edad nga ginsakit!

Pototan, Iloilo–Ginreklamo ang Pototan police nga wala nag-aksyon sa reklamo nga pagsakit sa menor-de-edad sa Barangay Malusgod sang nagligad nga semana.

Suno kay alyas Che nga magulang sang biktima nga si alyas Ely, ginsapote kag gintayaan sang kutsilyo ang iya utod nga si alyas ely sang Disyembre 7. Ginsaysay ni Che nga nagpadulong sila sa Pototan Police Station agud magpangayo sang bulig nga dakpon ang suspek nga iya ginkilala kay Welter Buyon.

Ginrasun suno sa iya ni SPO1 Carlos Villanueva nga wala sang nakaduty nga pulis nga in-chare sa Women and Children’s Protection Desk gani wala sang ma-atender sa ila reklamo.

Ginpahayag naman ni alyas Ely nga nakibot siya sang hinali lang siya nga gintayaan sang kutsilyo ni Buyon kag ginsumbag sang upod sini nga si Mark Ivan Peñaford alyas Makoy. (AGB)