Bag-o kag mas daku nga Freedom Grandstand sa 2018–Mayor Mabilog

Iloilo City–Posible may bag-o na nga Freedom Grandstand sa 50th Dinagyang Festival sa 2018.

Ginpa-athag ni Mayor Jed Patrick Mabilog nga indi makahingagaw sa Dinagyang 2017 ang bag-o nga Freedom Grandstand bangud nga wala pa nasuguran ang proyekto. Gintumod nga rason sang alkalde ang duta nga ginapanag-iyahan sang Philippine National Railways nga wala pa nabakal sang city government bangud may problema sa titulo.

Kon madayon na ang proyekto, mas daku na venue para sa 2018 Dinagyang Festival.

Ang ginaplano nga bag-o nga Freedom Grandstand, gina-project nga maka-akomodar sang 3,000-4,000 nga crowd kon ikumparar sa subong nga may seating capacity nga 2,000. (AGB)