Former Liga President sa Ajuy, gin-angut sang CIDG sa PDEA-identified drug sub-group leader

Ajuy, Iloilo–Gin-angut sang Criminal Investigation and Detection Group ukon CIDG 6 sa PDEA-6 identified drug group leader ang anay punong barangay kag Liga president nga nadakpan sa raid sang iya balay kahapon.

Suno kay PSSUPT Marlon Tayaba sang CIDG 6, masami sadto nga nagakadto ang ginatudlo nga drug personality nga si Rolando Torpio alyas Striker/Apa sa balay ni former Ajuy Liga President Ernesto Balbaguio. Si Torpio ang preso na subong sa Iloilo District Jail sa Barangay Nanga, Pototan.

Ginserbihan si Balbaguio sang search warrant kag nakuha sa iya balay ang tatlo ka 45 calibert pistol, nagkalain-lain nga magazines kag mga bala. Wala sang napresentar nga license to own and possess firearms si Balbaguio suno kay Tayaba. Ginrason naman sang subject nga ginbilin lang sa iya ang mga pusil.

Ginpa-check na ni Tayaba sa Crime Laboratory sa Campo Delgado ang mga pusil agud mabal-an kon sin-o ang nagapanag-iya. (AGB)