Mga permanente nga empleyado sang City Hall, magabaton sang dugang nga P6K nga Collective Negotiation Agreement subong nga Disyembre

Iloilo City–Gin-aprubahan sang City Council ang Supplemental Budget No. 10 nga masobra 10 million pesos para sa Collective Negotiation Agreement ukon CNA sang mga permanente nga empleyado sang city hall.

Ginabanta sa mil 700 ang permanent employees nga makabaton sang tag-P6,000 nga CNA. Magluwas pa ini sa P5,000 nga productivity enhancement incentive ukon PEI nga ila man mabaton subong nga semana.

Gin-athag naman ni City Administrator Atty. Hernando Galvez nga wala nalakip nga makabaton sang sa CNA kag PEI ang mga job hires. Ini bangud wala sang guideline halin sa department of budget and  management para sa ila. (AGB)