Nakasaga-id, gintiro!

Iloilo City–Nagbakal lang sang ice ang 27-anyos nga lalaki nga gintiro sa corner Burgos-Magdalo Streets, Lapaz kagab-i.

Napilasan sa tuo nga butkon, wala nga parte sang dughan kag wala nga ilok si Roger Tingson sang Barangay San Nicolas, Lapaz. Estable na ang biktima sa ospital.

Suno kay SPO2 Reinegh Guantero, imbestigador sang Lapaz Police Station, nagbakal si Tingson sang ice sa convenience store sang nasaga-iran ang suspek nga nagbalikid sa iya kag nagtiro sang makalima ka beses.

Padayon nga gina-imbestigaran sang Lapaz police ang insidente. (AGB)