63-anyos nga Tigulang nga Ginlampusan kag Ginkastigo sang Tatlo ka Menor-de-edad sa Tigbauan, Nakilala na

Pursigido ang pamilya nga pasakaan sang kaso ang tatlo ka menor-de-edad nga nagkastigo-patay sa 63-anyos nga babaye sa Tigbauan sang weekend. Nakilala si Nena Fernandez sang West Habog-habog, Molo paagi sa iya bata nga si Renante kagab-e sang nagpadulong ini sa Ade Funeral Services. Una nga ginreport sang Tigbauan Police Station nga ang biktima ginkilala kay Edna Balandres. Suno kay Renante, nakilala niya ang iya iloy paagi sa buhok kag bayo sini nga ginasoksok. Nadula ang biktima sang tinalikdan nga sinimana sang nagpangayo ini sang inugbakal sang kape sa iya bata tubtob nasapwan nalang nga patay sa Tigbauan matapos ginlampusan sang bato kag ginkastigo sang tatlo ka menor-de-edad. (NemesioMartirez)