Iloilo Society Commercial, isahanon nga nakakuha sang lifting order halin sa DOLE agud makabaligya sang firecrackers kag pyrotechnics sa Syudad

Iloilo City — Isa pa lang ka dealer sang firecrackers kag pyrotechnics sa syudad ang otorisado nga magbaligya sang palupok.

Suno sa Department of Labor and Employment ukon DOLE 6, ang Iloilo Society Commercial pa lang sa Aldeguer Street City Proper, ang naka-comply sang mga requirements kag na-isyuhan sang lifting order sa work stoppage.

Una na ginpahayag ni City Fire Marshal Jerry Candido nga apat ka mga requirements ang kinahanglan nga macomply sang mga dealers, manufacturers kag retailers agud makabaligya sang mga palupok.

Lakip na dire ang fire safety halin sa Bureau of Fire Protection, compliance sa Health and Occupational standards sang PNP, Certificate nga nakatambong sa 1-day seminar sang DOLE kag special permit halin sa LGU.

Sa tion nga macomply ang apat ka requirements, ipasa ini sa DOLE 6 sa central office kag irekomendar para sa pagbawi sang work stoppage order.

Sa subong, may 14 pa ka mga retailers sang firecrackers kag pyrotechnics ang nagahulat gna ma-isyuhan sang lifting order.

Kahapon, ginrekomendar man sang DOLE ang 129 pa ka mga retailers agud makahingagaw nga makabaligya sa Disyembre 31. (JoMaque)