Pamilya sang mga Ilonggo nga nalakip sa 18 ka missing sang naglugdang nga RORO vessel sa Batangas, nagalaum nga buhi pa ang ila himata
Iloilo — (UPDATE) Nagalaum ang pamilya sang mga ilonggo nga nalakip sa 18 ka missing sang naglugdang ang MV Starlite Atlantic nga RORO vessel sa Tingloy, Batangas nga buhi pa ang ila himata.
Ginpahayag ni Jeresa Acuesta, utod ni Deck Cadet Glacie Acuesta, 25 anyos sang Lambuyao Oton, nga nakatawag pa ang iya manghod sa ila iloy sang Disyembre 26 sang aga.
Sa amo man nga adlaw naglugdang ang RORO vessel matapos ginbayo sang mabaskug nga balod kag hangin dala sang bagyo Nina.
Nagalaum si Jeresa nga makita nga buhi ang iya utod. Magluwas kay glacie, missing man ang oiler nga si Mark Anthony Enson Gomez sang Tabuc Suba Jaro kag Engine Cadet Nicolas Calves sang Agdahon, Passi City.
Isa ang napatay sa natabu samtang 14 ka crew ang nakaluwas lakip sanday Ricky Allen, 48 anyos nga Chief Engineer sang barko kag tumandok sang San Enrique, ang oiler nga siĀ Mark Angelo, 24, sang Botong Oton kag Engine Cadet James Bernard Padilla, 21 sang Carmelo Banate. (JoMaque)