Hungarian National, Gintiro patay sa Pavia!

Pavia, Iloilo — Gintiro-patay ang 37-anyos nga Hungarian national kaina sang kaagahun sa Avida Subdivision, Brgy. Balabag, Pavia.

Gindala pa sa Rural Health Unit sang Pavia ang biktima nga ginkilala kay Da’niel Melczer apang napatay.

Suno PCI Hilarion Roga sang SOCO, may pilas sa pagkatiro sa agtang, tuo nga tuhod kag wala nga kamot si Da’niel matapos gintiro ni Lucindo Lim, 42-anyos, residente man sang nasambit nga lugar.

Dugang niya, narecover ang 9mm pistol nga may pito ka baseyo kag caliber .45 nga may isa ka live ammunition.

Arestado naman ang suspetsado nga nagpamalibad nga magkomento sa insidente.

Ginpahayag nga may komosyon nga nagluntad kagab-i sa tunga sang biktima kag suspetsado.

Ginapatihan nga ginsaway ni Da’niel si Lim matapos ini nagpalupok sang firecrackers. (JoMaque)