PSSUPT Marlon Tayaba, Nagpa-reassign sa ARMM

Iloilo City–Gin-aprubahan sang Campo Crame ang request ni PSSUPT Marlon Tayaba, chief sang Criminal Investigation and Detection Group ukon CIDG 6, nga magparelieve halin sa rehiyon.

Ginrequest si Tayaba sang iya anay superior officer nga si PCSUPT Ruben Theodore Sindac, regional director sa Autonomous Region in Muslim Mindanao ukon ARMM. Pagapilian ni Tayaba nga posisyon ang provincial director sa isa ka probinsya sa ARMM ukon commander sang Regional Public Safety Battalion.

Nagpangalagad si Tayaba sang apat ka bulan sa CIDG 6. Sa iya pagpamuno, masobra 30 ka pusil ang nakumpiskar sa mga operasyon kag madamo nga high value target drug personalities ang nadakpan magluwas pa sa mga wanted persons.

Si Tayaba ang pagabuslan ni SUPT Royena Garma, anay hepe sang CIDG Davao ukon Region 11. (AGB)