(UPDATE) Pagkay-o sang Amparo-Balabag Bridge sa Pavia nga nalusod, may pondo na suno sa DPWH

Pavia, Iloilo–Magapakigsapol subong nga adlaw si Mayor Michael Gorriceta sa municipal engineer agud pangitaan sang paagi nga malabayan ang nalusod nga taytay nga naga-angut sang Barangay Amparo kag Barangay Balabag sa nasambit nga banwa.

Importante suno kay Gorriceta nga makatabok ang kabataan agud mag-eskwela sa Amparo-Palg-agon Elementary School. Gin-athag sang alkalde nga nareport na sa DPWH ang sitwasyon sang taytay sang Oktubre, 2016 antes pa man nalusod sang Disyembre 31 sang aga.

Nagpasalig naman si Engr. Eva Bedonia sang 4th Engineering District sang DPWH 6 nga nalakip sa 2017 budget ang pagkay-o sang taytay.

Ginpahayag nga gin-ab-ab sang tubig ang approach sang taytay gani nag-usmod kag nalusod. (AGB)