Mga nakilala nga miembro kag lider sang Gangs sa syudad, i-tokhang sang ICPO

Iloilo City — I-tokhang sang Iloilo City Police Office ang mga nakilala nga miembro kag lider sang gangs sa syudad.

Suno kay ICPO Director Remus Zacharias Canieso, makadto ang mga pulis upod sa mga barangay officials sa balay sang gang members.

Hingyuon sila sang mga opisyal sa atubang sang ila ginikanan nga untatan na ang paghimo sang gamo.

May mga gangs nga madamo sang menor-de-edad nga miembro base sa record sang ICPO.

Daku nga concern suno kay Canieso bangud wala na sila nagpadayon sa pag-eskwela kag indi pa maayo ang paggiya sa ila bangud naghalin sa mga gang leaders nga indi man ensakto. (JoMaque)