Updated nga litrato ni PDEA 6 identified drug group leader Richard Prevendido, ipaguwa sang Police Regional Office 6

Iloilo City–Magapaguwa sang updated nga litrato ni PDEA 6 identified drug group leader Richard Prevendido ang Police Regional Office 6.

Katuyuan sini suno kay PRO 6 Director PCSUPT Jose Gentiles nga mahatagan sang ideya ang publiko sa itsura subong ni Prevendido. Nagahimo sang artist’s sketch suno sa iya ang PRO 6 samtang nagakuha sang impormasyon sa mga tawo nga ulihi nga nakakita kay Prevendido sang 2015 kag 2016 agud ma-update ang litrato nga una ginpaguwa sang kapulisan.

Gin-athag ni Gentiles nga 2003 pa ang ginpaguwa nila nga litrato ni Prevendido apang wala masyado sang pagbag-o sa iya itsura subong magluwas sang pagdugang sang iya edad kag pagnipis sang buhok. (AGB)