2017 Western Visayas Regional Athletic Association Meet, nagbukas sa Antique

Antique–Nagbukas na ang Western Visayas Regional Athletic Association ukon WVRAA Meet 2017 kahapon.

Masobra tatlo ka libo ka student-athletes lakip ang mga coaches kag delegation officers nga naghalin sa Aklan, Antique, Capiz, Guimaras kag Iloilo ang nagapasakop sa sports event.       Gin-abi-abi ni Antique Governor Rhodora Cadiao ang tanan nga mga partisipante kag ginpabugal ang katahum sang Antique.

May 15 ka events para sa Elementarya Level samtang 21 naman sa sekondaraya. Dugang diri, may paralympics man para sa mga persons with disabilities kag tatlo ka demo sports

Magalawig tubtob sa Pebrero 11 ang WVRAA Meet 2017 nga ginahiwat sa Binirayan Sports Complex sa San Jose Antique nga may tema, “Sports: Perfecting Craft, Transforming Lives.”

Ang mga madaug sa 2017 WVRAA, magarepresentar sang Western Visayas sa Palarong Pambansa nga iga-host man sang Antique. (AGB)