19-anyos nga babaye, ginapatihan ginpatay kag gintagbong sa bubon sa San Remigio Antique

Antique — Gina-imbestigaran sang San Remigio Antique Police Station an rason sa kamatayon sang 19-anyos nga babaye nga nasapwan sa sulod sang bubon sang Enero 30.

Suno kay spo2 Rossini Mena sang Women and Children’s Protection Desk sang San Remigio Police Station, Enero 22 sang ginreport nga missing ang biktima nga si Angel Mae Llera sang Brgy. Magdalena matapos naglisensya sa iya amay nga makadtu sa balay sang iya tiya sa pihak nga barangay apang wala na nakabalik.

Gintundaan na lang sang manugharbas sang talamnan ang mga himata sang biktima nga nasapwan ini sa sulod sang bubon kag yara na sa advance state of decomposition.

Gin-autopsy ang bangkay sang babaye agud matumod ang rason sang iya kamatayon. (JoMaque)