“Nagpadihot”

Iloilo City — Gintudlo ni anay provincial administrator kag journalist Manuel Mejorada si Jeffrey Celiz, anay political liaison ni Mayor Jed Patrick Mabilog, nga nagpadihot agud hatagan siya sang lote sa relocation site sang syudad.

Suno kay Mejorada, nagamit sadtu sang iya poder si Celiz gani nabutang sa kompromiso sanday Iloilo City Urban Poor Affairs Office Head Wilfredo Jurilla kag NeliaSsecusana, anay site coordinator sang ICUPAO.

Sanday Jurilla kag secusana ang ginrekomendar sang ombudsman nga pasakaan sang kaso nga graft nga ginfile ni Mejorada bangud sa ginpahayag pagpabor kay Celiz sa awarding sang relocation houses.

Gina-claim ni mejorada nga kwestyunable ang gin-award nga duha ka lote kay Celiz sa relocation site sa Sooc Arevalo.

Suno pa kay Mejorada, nagamit sang dummies si Celiz nga amo ang iya ugangan nga si Gilda Canilao kag utod nga si Suzara Luces agud maka-avail sang relocation lots.

Gin-ako naman ni Jurilla nga naka-award ang ICUPAO sang tatlo ka lote sa tatlo ka applicants pero indi siya makadumdom kon ang ginhatagan sang lote amo sanday Celiz, Canilao kag Luces. (JoMaque)