ICUPAO, maga-establisar sang digital mapping para sa data sang mga aplikante kag benificiaries sang housing prorgam sang city government

Iloilo City —   Plano sang Iloilo City Urban Poor Affairs Office (ICUPAO) nga mag-establisar sang digital mapping nga naga-source sang data sang mga aplikante kag benificiaries sang lote kag balay sang city government.

Suno kay ICUPAO chairman Jeck Conlu, iga-encode sa computer ang data sang aplikante kun san-o ini nag-apply kag kun pila na ka tuig nga nagahulat agud mahatagan sang balay. Iga-encode man ang data sang mga benificiaries ang ila mga himata.

Katuyuan sini nga mahibaluan kun sin-o nga mga aplikante ang hatagan sang prayoridad kag mangin mahapos ang paghibalo sang mga ‘professional squatters’ ukon mga sindikato sa mga relocation site.

Kasunod ini sang reklamo ni Juanito Lachica, 70 anyos nga sang 1995 pa naghatag sang requirements sa ICUPAO para sa relocation site bangud apektado siya sang bagyo, apang tubtub subong, wala gihapon nahatagan sang balay.

Ginpaathag ni Conlu nga posible naunahan ang madugay na nga aplikante bangud manual pa kag indi digital ang mapping sang ICUPAO. (JoMaque)