Tricycle driver sa Bakhaw Mandurriao, nadakpan sa drugbust operation!

Iloilo City — Arestado sa drug bust operation sang Philippine Drug Enforcement Agency ukon PDEA 6 ang bag-o na-identify nga drug personality sa Bakhaw Mandurriao kaina sang aga.

Nabaklan si Erwin John Hibionada, 30-anyos sang Sitio Kanipaan, Bakhaw, Mandurriao, sang 500 pesos nga illegal drugs kag nakuhaan sang 2 ka sachets sang suspected shabu.

Ginpahayag duha tubtub 3 ka semana nga gin-monitor sang mga PDEA agents si Hibionada antes ginhimo ang operation.

Nagahilibion naman nga nagapanghiwala ang iloy ni Erwin John nga drug pusher ang iya bata.

Ssuno sa iloy nga si Elna Hibionada, tricycle driver ang trabaho sang iya bata kag wala ini naga-entra sa illegal drugs.

Mabuot kag mainabyanon suno sa iya si Erwin John kag indi sini mahimo ang ginapasibangud sa iya. (JoMaque)