Anay personal assistant kag bodyguard ni Mayor Mabilog nga nahatagan sang homelot sa relocation site, nagpamalibad nga magpa-interview

Iloilo City — Nagpamalibad nga magpa-interview si Brayan Ocas, ang ginpahayag anay personal assistant kag bodyguard ni Mayor Jed Patrick Mabilog kag board of director sang Mega Pacific Food Services Inc nga nahatagan sang homelot sa Iloilo River Plains Subdivision.

Suno sa ka-trabaho ni Ocas, nagpahayag si Ocas nga indi magpa-interview bangud pribado ang ila kabuhi.

Si Ocas ang nagatrabaho subong sa Toyota bilang service advisor.

Matandaan nga si Ocas, iya asawa nga si Rouena nga ginpahayag yaya sang bata ni Mabilog kag ang ugangan nga si Gloria Puyat nga ginpahayag cook ni Mabilog,  may yara sang 20% ownership sa Mega Pacific.

Sila man ang mga beneficiaries sang homelot sa Iloilo River Plains Subdivision, bisan nga, suno sa mga residente sang San Pedro Molo kag Iloilo River Plains Subd, wala na demolished ang ila balay. (JoMaque)