Barotac Viejo police, nanginwala sa mga reports nga may nagapanaka-saka sa mga balay nga armado nga kalalakihan!

Barotac Viejo–Wala sang may narecord nga insidente ang Barotac Viejo Police Station angut sa mga ginpahayag armado nga kalalakihan nga nagapanaka-saka sa mga balay.

Apang gin-athag ni PCI Elmer Magbanua, hepe sang Barotac Viejo Police Station, nga ginahatagan man nila sang atensyon ang impormasyon kag handa sila nga aksyonan kun may magreklamo sa ila.

Indi man niya makonfirmar kun anu nga grupo ang ginpahayag nagapanaka-saka. Posible suno kay magbanua nga may nagpalagaw sang istorya agud magtuga sang kahadlok sa mga pumuluyo.

Suno pa sa iya, nagapatrolya ang kapulisan agud masiguro ang kalinong kag katawhay sang banwa. (AGB)