Mga punong barangay sa La Paz, naalarma sa pagka-involved sang madamu nga menor de edad sa mga kinagamo sa syudad

Iloilo City — Na-alarma ang mga punong barangay sa La Paz sa pagka-involved sang madamo nga menor-de-edad sa mga kinagamo sa syudad.

Ini ang rason ni La Paz-ABC president Marjorie Gregorios kon ngaa istoryahan sa ila monthly meeting sa biernes ang mga paagi agud masolusyunan ang problema.

Kinahanglan suno kay Gregorios nga matutukan ang Barangay Council for the Protection of Children (BCPC) agud mahatagan sang giya ang mga ginikanan kon paano malikaw ang ila kabataan sa pag-intra sa kinagamo.

Nagpromisa man si Gregorios nga i-activate nila ang paglibot sang mga tanod patrol agud masiguro nga wala sang menor-de-edad nga nagalagaw halin tungan gab-i tubtob kaagahon. (JoMaque)