Lone District of lloilo City Rep. Jerry Treñas, naghingyo sa Senado nga magpasar man sang hagna angut sa pagtunga sa Iloilo City sa duha ka distrito

Iloilo City – Ginpabutyag ni Congressman Jerry Treñas nga naghingyo siya sa senado nga magpasar man sang bill may kaangtanan sa pagtunga sa syudad sang Iloilo sa duwa ka distrito.Ini ang matapos nag-file si Senador Ping Lacson sang nasambit nga bill subong nga adlaw.

Suno kay Treñas,positibo ang reaksyon sa senado sang nag-istorya siya sa ila sa pagduso sang pagtunga sa syudad sang Iloilo sa duwa ka distrito.

Ginpaathag ni Treñas nga dako ang mabulig sa mga Ilonggo kun matunga sa duwa ka distrito ang syudad bangud madoble ang budget para sa medical assistance program kag scholarship program.

Kun maaprubahan sa kongreso kag senado, pagabugusan ang First District sa syudad sang Jaro, Mandurriao kag Lapaz samtang Second District naman ang City Proper, Molo, Lapuz kag Arevalo suno kay Treñas.  Nagalaum naman si Treñas nga maaprubahan sa kongreso kag senado ang nasambit nga bill subong nga tuig.

(Aljohn Torreta)