Social Development Committee, Maga-endorso sang Resolution sa RDC agud pamatukan ang hagna nga nagatuyo sa pag-amendar sang laye sa minimum age of criminal responsibility

Iloilo City – Maga-endorso ang Social Development Committee sang resolution sa Regional Development Council agud pamatukan ang House Bill 2 ni Capiz Congressman Fredenil Castro nga nagatuyo sa pag-amendar sang laye sa minimum age of criminal responsibility.

Suno kay Director Ro-ann Bacal sang National Economic Development Authority 6, ginpresentar sang Social Development Committee sa Regional Juvenile Justice and Welfare Council ang pagtuon nga nagapakita nga indi pa makahimo sang desisyon pareho sang adult ang mga naga-edad 9 ka tuig tubtob 15 anyos.

Base sa hagna ni Congressman Castro, ginaduso ang pagpanubo sang minimum age of criminal responsibility sa 9 halin 15 nga amo naman ang nasaad sa naga-egsister nga laye.

Iga-endorso sang Social Development Committee ang resolution sa RDC meeting sa marso 30. Ang Social Development Committee ang ginabug-usan sang representante halin sa Department of Health, Department of Education, Department of Social Welfare and Development kag pribado nga sektor.

(Aljohn Torreta)