Councilor Plaridel Nava, mabakasyon sa City Council

Iloilo City–Daku ang tsansa nga madula si Councilor Plaridel Nava sa City Council. Suno sa konsehal, magasugod sa Mayo ang iya nga leave bangud maga-migrate siya sa iban nga pungsod.

Kon maayo ang mangin sitwasyon, magafile si Nava sang resignation letter kay Mayor Jed Patrick Mabilog kag sa Department of Interior and Local Government. Gin-athag ni Nava nga madugay na ang iya plano nga magpahuway sa pulitika.

Una na nga gin-ako ni Nava nga ginbawi niya ang libel cases nga iya ginfile batuk kay Mayor Mabilog bangud gusto niya nga maghalin nga matawhay ang pinsar.

Pero iya gin-athag nga wala niya ginbawi ang mga kaso nga ginfile batuk sa alkalde sa Office of the Ombudsman bangud utang niya ini sa mga pumuluyo. (AGB)