KAPITAN SA ZARRAGA, NAKAPATAY

Zarraga, Iloilo–Gin-ako ni Punong Barangay Tomas Pinongcos sang Barangay Talibong, Zarraga nga natiro niya kag napatay si Michael Hetrosa kagab-i.

Pero iya ginpa-athag nga gin-unahan siya ni Hetrosa kag napilitan siya nga pangapinan ang iya kaugalingon. Suno sa kapitan, nagapauli na siya upod ang tanod sa barangay sang nasugata nila si Hetrosa. Ginsita siya sang biktima kag ginli-ab. Bilang balos, ginsumbag man sang kapitan si Hetrosa pero naggabot ini sang pusil tubtob naagaw sang kapitan kag gintiro sang lima ka beses si Hetrosa.

Ginpahayag sang kapitan nga wala man sila sang may gin-awayan ni Hetrosa antes ang insidente kagab-i.

Preso ang kapitan sa Zarraga Municipal Police Station. Natabu ang insidente sa bisperas sang kapiestahan sa barangay. (AGB)