26 ka proposed road projects nga ginpangayuan sang endorsement ni Cong. Jerry Treñas sa City Council, ginkuwestyun ni Councilor Plaridel Nava

Iloilo City — Gin-kwestyon ni Councilor Plaridel Nava ang 26 ka proposed concreting and rehabilitation projects para sa fiscal year 2017-2022 nga ginpangayuan sang endorsement ni Congressman Jerry Treñas sa city council agud mahatagan sang pundo.

Nalakip sa road concreting/rehabilitation ang Gen. Blanco Street, City Proper nga gintumod ni Nava nga indi man depektibo kag narehabilitate na.

Suno kay Nava, dapat ang DPWH kag ang City Engineering Office ang magadeterminar kun anu nga mga dalan ang kinahanglan nga sementuhon ukon i-rehabilitate kag indi ang opisina sang congressman.

Gin-aprobahan sang city council ang resolution nga naga-endorse sa projects apang nag-abstain si Nava. Base sa sulat ni Treñas kay Vice Mayor Jose Espinosa III, nagalab-ot sa P184 milyon 627 mil ang balor sang 26 ka proposed projects. (JoMaque)