Ginmartilyo!

Cabatuan, Iloilo–Pilason ang 19-anyos nga estudyante sang Visayas Aerospace College and Technology matapos ginpahayag nga ginmartilyo sang nobyo sang iya ex-girlfriend.

Gindala sa Western Visayas Medical Center si Jeryl De La Cruz sang Paciawan, Barotac Nuevo matapos nga napilasan sa ulo. Gintudlo nga suspek si Christian Villarin, 18-anyos sang Poblacion East, Oton.

Suno kay PCINSP Engelbert Banquillo, hepe sang Cabatuan Police Station, ginpangita sang biktima ang suspek agud komprontahon sa ginapadala sa iya nga mensahe sa messenger nga nagapangsuya. Nakita ni De La Cruz si Villarin sa kuwarto sang iya ex-girlfriend sa duyan-duyan cabatuan rason sang ila pag-inaway tubtob nga nalampusan ang biktima.

Gindala man sa ospital ang suspek bangud nagreklamo nga nagsakit ang iya tuhod bangud na-aksidente siya sang damlag lang kag natalana man nga operahan pagkatapos sang ila graduation. (AGB)