Armado nga kalalakihan, ginreport nga nagapaka-saka sa pila ka balay sa Nueva Valencia, Guimaras

Guimaras–Ginasulod sang mga ginapatihan armado nga kalalakihan ang pila ka balay sa Nueva Valencia, Guimaras.

Ginkumpirmar ni Barangay Kagawad Ronnie Subido sang Salvacion, Nueva Valencia ang ginreport nga kaso sang pagpanaka-saka sang mga armado nga tawo sa ila lugar kun tungan gab-e tubtub kaagahon.

Sa pagpamangkot ni Subido sa tag-iya sang ginsulod nga balay, ginsugid sini nga naka-bonnet kag nakasuksok sang camouflage uniform ang mga armado nga tawo kag nagapangkuha sang pagkaon sa kusina.

Ginpahayag apat tubtub pito ka tawo nga armado sang malaba sang pusil ang nagapanaka-saka sa mga balay. Magluwas sa Salvacion, report man nga may balay sa Cabano, San Lorenzo, Guimaras nga ginsulod sang mga armado nga tawo.

Wala naman nagapanakit, nagapamahog ukon nagakuha sang kuwarta sa tag-iya sang balay ang armado nga mga tawo suno kay Subido. (AGB)