Tricycle driver sa City Proper, ginbuno patay sang lalaki nga iya ginsita bangud sa pagtakud sang “jumper”

Iloilo City — Patay ang tricycle driver nga ginbuno sang lalaki nga ginpahayag ginsita sini bangud sa pag-“jumper” sa City Proper. Ginkilala ang biktima kay Renante Hormina, 47-anyos sang Dela Rama, City Proper nga may pilas sa wala nga kamot, siko, abaga, dughan kag tiyan. At large naman ang suspetsado nga si Cris De Asis, 35-anyos sang Muelle Loney, City Proper. Suno kay PO3 Raul Rubide sang Police Station 1, ginsita sang biktima ang suspek sang Biernes nga untatan na ang pagtakud sang “jumper.” Nagsugat-anay ang duha kagab-i sa diin ginbuno sang suspek ang biktima sang makaanum nga ka beses. (JoMaque)