Lalaki nga gina-angut sa mga pasugal, patay matapos gintiro sa Jaro

Iloilo City–Patay ang lalaki nga gintiro sa Jalandoni Street sa Barangay Our Lady of Lourdes, Jaro kaina sang aga.

Mapa-carwash kuntani si Bernardo Tampani sang Gaub, Cabatuan sang ginpalapitan sang suspek kag gintiro. Nagpalagyo ang suspek sakay sa motorsiklo.

Gindala pa sa ospital si Tampani sa ospital pero gindeklarar nga dead-on-arrival bangud sang mga pilas sa dughan, guya kag paa. 10 ka empty shells ang narecover sa crime scene.

Suno kay Abe Cudo nga tag-iya sang balay sa diin naga-istar si Tampani, gamay pa ang biktima sang nagtenir sa ila kag ginakabig niya nga utod. Naga-intra suno sa iya sang una sa mga pasugal si Tampani kag nagatrabaho na subong sa STL sa syudad.

Wala naman sang madumduman si Cudo nga kaaway si Tampani. Padayon nga gina-imbestigaran sang Jaro police ang identity sang suspek kag motibo sa krimen. (AGB)