‘Madangup sa ERC’

Iloilo City–Madangup sa Energy Regulatory Commission ukon ERC si Councilor Joshua Alim pananglitan indi makalusot sa kongreso ang iya resolution nga nagahingyo sang congressional inquiry sa ginpahayag iregularidad sa Panay Electric Company.

Isa ini sa mga options ni Alim bisan pa nagpasalig sanday Congressmen Harry Roque kag Isagani Zarate nga suportahan ang iya resolution. Nagpaandam na si Alim sa duha ka kongresista nga impluwensyado ang PECO kag posible nga may pila ka mga kongresista nga mamalabag sa iya resolution. Apang handa suno sa iya sanday Roque kag Zarate nga i-representar ang mga pumuluyo sa syudad sang Iloilo.

Una na nagpabutyag si Iloilo City Congressman Jerry Treñas nga ma-inhibit siya kun madayon ang imbestigasyon bangud kliyente sang iya law firm ang PECO. (AGB)