LALAKI NGA NAG-BLACKMAIL SANG IYA KARELASYON NGA PAGGUWAUN ANG ILA SEX VIDEO KUN INDI SIYA MAGHATAG SANG KUWARTA, NANGINWALA NGA GINSAKIT KAG GINKILKILAN ANG BABAYE
Ajuy, Iloilo — Nanginwala ang lalaki sa Ajuy nga ginreklamo sang iya karelasyon nga ginsakit niya ang babaye kag ginkilkilan. Suno kay alyas Tata, natampaan niya si alyas Che bangud nakita niya nga may kaupod nga lain nga lalaki. Pero indi matuod suno sa iya nga pirme niya ginasakit ang babaye. Dugang ni Tata, indi man matuod nga ginpilit niya si Che nga hatagan siya sang 10 mil pesos kabaylo sang memory card nga may sex video nila.Nag-ako si Tata nga nadevelop siya kay Che bangud nga mahatag ang iya kinahanglan nga indi mahatag sang iya asawa. Pero ginpanindugan sini nga palangga niya gihapon ang iya asawa sa diin may duha sila ka kabataan. Nadakpan si Tata sa entrapment operation sang Biernes gamit ang 1,500 pesos nga marked money kag narecover ang cellphone nga may natago nga sex videos. Preso sa Ajuy Police Station si Tata kag napasakaan na sang kaso nga robbery with extortion.
Ginsaysay naman ni alyas Che, 26 anyos nga tumandok man sang Ajuy kag isa ka single mom, nga abril 2015 sang nagkilalahay sila ni alyas tata. Single suno kay che ang pagpakilala ni tata sa iya kag nabal-an niya lang nga may asawa ang lalaki walo ka bulan sang ila relasyon. Naglawig pa suno kay Che ang ila relasyon tubtob subong nga tuig bangud ginasakit siya ni Tata kon maghambal siya nga magbulagay na sila. Suno pa kay Che, ginpahug siya ni Tata nga ipalapta ang ila sex video. Pero indi na maka-agwanta si Che gani nagreport sa Ajuy Police Station tubtob nga ginhimo ang entrapment operation sang Biernes. (JoMaque)